Share

Mausam Tha Beqarar Tumhein Sochate Rahe - Barish Shayari Romantic in Hindi

Mausam Tha Beqarar Tumhein Sochate Rahe - Barish Shayari Romantic in Hindi

Yeh Barishein Bhi Tum Si Hain - Barish Shayari Romantic in Hindi

Yeh Barishein Bhi Tum Si Hain - Barish Shayari Romantic in Hindi

Aaj Bohat Din Baad Suni Hai Barish Ki Aawaz - Barish Shayari Romantic in Hindi

Aaj bohat din baad suni hai barish ki aawaz

Aaj bohat din baad kisi manzar ne rasta roka hai

Rim jhim ka malboos pahan kar yaad kisi ki aayi hai

Aaj bohat din baad achanak aankh yun hi bhar aayi hai

Aankh aur manzar ki vusa't mein chaaron janib barish hai

Aur barish mein door kahin ik ghar hai jis mein

Ek ek eent par tere mere khwab likhe hain

Aur is ghar ko jane wali kuchh guliyan hain

Jis mein hum dono ke saaye tanha tanha bheeg rahe hain

Darwaze par qufl para hai or dareeche soone hain

Deewaron pe jami hui kaai mein chhup kar

Mausam hum ko dekh rahe hain



Kitne badal hum dono ki aankh se ojhal

Baras baras kar guzar chuke hain

Ek kami si ek nami si

Charon janib phail rahi hai

Kai zamane ek hi pal mein

Baham mil kar bheeg rahe hain

Andar yadein sookh rahi hain

Bahar manzar bheeg rahe hain.`

Your Reaction?